ఆశోక్ బాబు అడ్డుతగులుతున్నాడు!

                      ఎవరెంత నీరుగార్చే ప్రయత్నం చేస్తున్నా ఉద్యమం ఆగదు, రాష్ట్ర విభజనను అడ్డుకునే తీరుతాం అంటూ ఏపిఎన్జీఓల అద్యక్షుడు అశోక్ బాబు స్పష్టం చేస్తున్నారు. దీంతో హాతాషులవడం మంత్రుల వంటి పెద్దోళ్ల వంతు కాగా, ఏంటి అంత ధీమా అంటూ రాజకీయ వర్గాల్లో చర్చ జరుగుతోంది. మరో డేంజర్ విషయం ఏంటంటే ఇప్పడు కొందరు సమ్మె విరమించడం కూడా ఉద్యమంలో భాగమే అని చెప్పి అందరిని గుండెలను గుబెల్లుమనిపించాడు.

ఇక ఆయన ధీమా ఏంటో చూద్దాం, నోట్ వచ్చినంత మాత్రానా అన్ని అయిపోయినట్టు కాదట, అడ్డుకునేందుకు అసెంబ్లీ, పార్లమెంట్ ఉన్నాయట. ఆయన రాజకీయ నాయకులనే దగ్గరికి రానీయకుండా ఉద్యమం చేస్తున్నప్పుడు ఉద్యోగి అయి ఉండి అసెంబ్లీలో, పార్లమెంటులో తెలంగాణ ఆమోదం పొందకుండా ఎలా అడ్డుకుంటాడు అన్న సందేహాలు అందరికి కలగవచ్చు. కాని అది తప్పు, అసెంబ్లీలో అడ్డుకుంటామని ఎమ్మెల్యేలతో హామీ పత్రాలు తీసుకుంటున్నాడు అశోక్ బాబు.

ఇక పార్లమెంటులో ఎలా అడ్డుకుంటాడన్నదే కదా మరో సందేహం, పార్లమెంటులో బిల్లు పెట్టేనాటికి అక్కడు సీమాంద్ర ఎంపీలనే లేకుండా చేస్తాడు, అందరి రాజీనామాలు అయిపోతాయి. అనుకున్నట్లు జరిగితే అసలు పార్లమెంటే ఉండక పోవచ్చు అన్నది ఆయన ధీమా. ఇందులో కూడా నిజముందనుకోండి, అందుకు తగ్గట్టుగానే పరిణామాలు కూడా కనిపిస్తున్నాయి.

  అయినా ఓ మంచి లక్ష్యం కోసం తెగించి రంగంలోని దిగిన ఉద్యమకారులకు ఉండాల్సింది నమ్మకమే, అది సన్నగిల్లితే టార్గెట్ చేరుకోలేరు, అందుకే సమైక్యవాదులంతా ఆయన తెగువకు సలాం చేస్తున్నారు.